Arunachal Assembly-in district thar pawm

Arunachal Pradesh Assembly chuan district thar dinna tur bill a pass a, Kamle District thar din a ni dawn.

Kamle District hi Upper leh Lower Subansiri district aṭangin din a ni dawn a, Arunachal-a district 23-na tur a ni ang. Chief Minister Pema Khandu chuan Arunachal Pradesh (Re-Orgaisation of Districts) (Amendment) Bill 2017 a pu lut a, hei hi sawiho a nih hnuah pass a ni ta a ni. Kamle district hian Lower Subansiri district chhak lam bakah, Upper Subansiri district khawtlang lam ṭhenkhat a huam dawn a ni. District huam chhungah hian mi hring 22,256 an cheng dawn a, Assambly-ah hian district thar dinna tur bill hi voice vote hmanga pass a ni.