Manipur CM-in dan leh thupek khauh zawka ken kawh tiam

Manipur Chief Minister N. Biren Singh chuan state ralmuang zawk an nih theihna turin dan leh thupek khauh zawka ken kawh a tiam.

Manipur chief minister chuan, BJP leh a thawhpui party-te'n thla ruk chhung lek thuneihna an la chelh chungin an state chu a ralmuang sawt hle niin a sawi. Boruak ralmuang a awm theihna tur chuan dan leh thupek kenkawh ṭhat a ngai a, chumi tur chuan police-te leh mipuite ṭanrual a ngai a ni, a ti. Home Deparment changtu Biren Singh chuan, Hills-a chengten police force tam zawk dah an phut hian min tilawm a, sorkarah rinna a nghah ngam avangin a lawmawm tak zet a ni. Sorkar chuan state ralmuang tak ni turin theih tawp a chuah dawn a, a ṭulna hmuna a pingah venhi hmna thawktu dah belh zel a nih tur thua sawi bawk.

Chief Minister chuan Manipur chu state thar a ni lo tih sawiin, kum 2,000 dawn liam ta aṭanga chanchin lo nei tawh a ni. Tunah chuan mipuite thlamuang taka an awm a hun tawh a, hemi tihlawh tling tur hian theih tawp chhuah zel a nih tur thu a sawi bawk.