Manipur sorkarin FIFA U-17 World Cup palyer-te chawimawi

Manipur Chief Minister N. Biren Singh chuan tun hnaia FIFA U-17 World Cup-a an state aṭanga India aiawha khel palyer pariat-te chu inkawmhona a neihpui.

Under 17 World Cup-ah hian India aiawhin Manipur chuan - Amarjit Singh Kiyam, Dheeraj Singh Moirangthem, Boris Singh Thangjam, Jeakson Singh Thounaojam, Nongdamba Naorem, Suresh Singh Wangjam, Ningthoinganba Meitei leh Md. Shah Jahan te a thawhchhuak a, player pawimawh tak tak vek an ni. Hei hi hriaiin state sorkar chuan chawimawina a hlan a, an pualin inkhawm a buatsaih bawk. Chief Minister chuan palyer-te hi cheng nuai nga ṭheuh a hlan a, an thawrimna leh an hlawhtlinna te chu a lawmpui thu a sawi.

CM Biren Singh chuan football lama an state-in sulhnu a neih mek te chu ropui a tih thu sawiin, an thlen chinah duh tawk mai an tum loh thu a sawi. Hill leh Valley-a chengte ṭanrual a ngai a, hmasawn zel turin ke pentlan a ngai a ni, a ti. "Tuna India aiawha khelte hi an thlen china hma sawn zel turin duhsakna ka klan a, an hnung zui turin ṭhalaite pawh chona thar neia hmalam pan turin kachah a ni" a ti.

Manipur-ah hian sorkar laipui chuan National Sports University din turin hma a la mek a, hemi a hlawhtlin hunah chuan nasa zawka sport lamah hma an sawn beisei thu, chief minister chuan a sawi bawk.