Shashi Tharoor-a'n Shillong a tlawh dawn

Congress party hruaitu, Shashi Tharoor chuan party president thlanna neih tura a campaign kal mekah, vawiin hian Shillong a tlawh dawn.

Congress president thlan turah hian union minister hlui Sashi Tharoor leh Rajya Sabha MP Mallikarjun Kharge-te an inkhing dawn a, state hrang hranga an party unit zingah an campaign mek a ni. Kharge hian thlawptu a nei ṭha zawk rih a ni.

Tharoor hian Shillong-a Congress Bhawan-a party hruaitute a kawm ang.

October 17-ah Congress President thar tur hi an thlang dawn a, October 19-ah result puan a ni ang. Hei hi kum 22 hnua vote thlak hmanga Congress party President thlanna neih lehna hmasa ber tur a ni.