Sikkim : Indian Army ten leimin vanga tangkhang 550 chhanchhuak

Indian Army chuan Ningani khan Sikkim hmarlama Lachung bula leimin nasa tak vanga tangkhang, khualzin 550-te an chhanchhuak. An zingah hian naupang eng emaw zat an tel.

Ruahsur nasa takin Lachung hmuna leimin a thlen vangin mi tam tak an tangkhang vang hian civil lam thuneitute chuan Lachung-a Army camp chu chhanchhuah hna thawhna kawnga pui tur hian an ngen a ni. Ruah a sur chhunzawm reng bakah khua a vawh avangin khualzin ṭhenkhat chu khawvawtin a hmehnaah taksa lamah harsatna tawkin, damdawi-in lam panpui nghal an ni tih sipai thuchhuah chuan a tarlang.

Sipaite hian khualzin tangkhangte hi ei tur leh tui in turte an pe bawk a, khualzin an hruaichhuahte chu Lachung-a an thlenna hotel-ah hruai kir vek an ni, an ti.

October 12 khan ruahsur nasa tak avangin Chungthang leh Lachung inkar kawng chu hmun tam takah leiminin a hnawh a, motor 150 vel an tang a ni.