Tripura-ah Congress-in BJP sorkar chet dan duhlohna lantir dawn

Tripura Congress hruaitute chuan October thla tawp aṭang hian Tripura-a BJP-te'n Congress office hmun sarih vela mi tihluihna-a an hnehchhuh duhlohna an lantir tur thu an tarlang.

Tripura Congress Vice-President Tapas Dey chuan BJP-te'n Congress office an hnehchhuhna hmun te chu Udaipur, Bagma, Santir Bazar, Mohanpur, Madhupur, Barjala leh Kamalpur-ah te a nih thu a sawi a, heng office te hi 1960 aṭang tawha Congress-in an luah tawhte a nih thu a sawi a ni. Hemi chungchang ngaihtuah tur District Magistrate-te pawh an biak tawh thu leh action la tura an duh thu a sawi bawk a ni. Dey chuan hemi chungchang ngaituahtu tur district leh sub-district-te chuan action an la duh lo a nih chuan October tha tawp atang hian BJP chetdan duh lohna hi lantir an tum thu a sawi bawk.

Tripura Congress Party Chief Birajit Sinha tuna Delhi a awm mek chuan IANS-te phone atanga bia in sorkar laipui thuneitute hnenah hemi chungchang hi alo sawipui tur thu a sawi bawk. BJP lam chuan he thil hi an pha ve thung a, BJP thupuangtu Mrinal Kanti Deb chuan Congress hruaitu tamtak leh Congress mi leh sa tamtak BJP-a an inpek thu leh hmun tamtakah phei chuan office hawng tur Congress mi tumah an awm loh thu a sawi ve thung a ni. Deb chuan Congress chhuahsan a BJP zawm ta ten heng office te hi an hman thu a sawi a ni.

Mak tak maia Left Front sorkar leh thuneitu lamin engmah an la sawi lo chu an hrethiam lo tak zet tih an sawi bawk.