Tripura : Oct 21-ah Yechury-a'n mega rally-ah thu sawi dawn

Communist Party of India-Marxist (CPI-M) chuan nakkuma Tripura state assembly neih tur atan campaign nei chho mekin, October 21 hian Agartala-a Astabal ground-ah mega rally an huaihawt dawn. He hunah hian CPI-M party general secretary Sitaram Yechury chuan thu a sawi dawn a ni.

Mega rally an neih tur hi BJP-in mipuite dawt hrang hrang an hrilh dan leh, an hnathawhna kawnga an hlawhchham dante tarlanna tur a ni tih CPI(M) state secretary Jitendra Chowdhury chuan a sawi.

Tripura-a BJP sorkar chu na taka bei zuiin, tun hnaia president Droupadi Murmu-i'n an state a tlawh chu kum li leh a chanve chhunga BJP kaihhruai sorkar hlawhchhamna hrang hrang thupna atana an hmang niin Chowdhury chuan a puh.