Journalists’ Forum Assam-te'n media-te himna ngaipawimawh

Journalists’ Forum Assam (JFA) chuan tunhnai khan thuchhuah an siam a, ram chung hmun hrang hranga media-te'n beih an tawk ṭhin cu pawi an tih thu leh, an himna ngaihpawimawh sak turin sorkar lapui an ngen tih an sawi.

JFA chuan Uttar Pradesh-a journalist pakhat, Rajesh Mishra-a thah a ni leh ta chu an dem tak zet tih an sawi a, sorkar laipui chu media mite himna tura policy thar duang turin an phut tih an sawi. Journalist Mishra (40) hi October 21 khan motorcycle-a chuangten Lucknow-ah an kaphlum a ni.

Hetianga rawng taka inthahna hi thleng tawh lo se an duh tak zet tih, JFA chuan an sawi.

JFA chuan India chu World Press Freedom Index (2017)-ah 136-na a ni a, media mite an him lo hle a ni, an ti. ṭhenawm ram Pakistan (139), Sri Lanka (141) leh Bangladesh (146)-te nen huangkhat deuh thawha India a awm chu pawi an tih thu an sawi bawk.