Darjeeling buainain Sikkim Tourism Industry a nghawng nasa

Gorkha Janmukti Morcha (GJM)-te chuan West Bengal aṭanga inlak hran tumin sorkar lakah an lungawi lohna an lantir a, hei hian nasa takin Sikkim Tourism Industry a nghawng tih tarlan a ni.

GJM-te hian kumin June thla vel aṭang khan lungawi lohna hi an lantir a, buina chhuak avanga nunna chan an awm bakah, hliam eng emaw zat an awm a ni. Buaina chhuak hian Darjeeling leh a chhehvel a nghawng buai hle a, Sikkim thlengin a ngawng a ni. Sikkim tourism department chuan GJM-te hmalakna avang hian khualzin tam tak an chan phah tih sawiin, sum tam tak an hloh tih a tarlang. July thla chung khan ramdang khaulzin 1,000 leh ram chhung aṭanga tlawhtu 8,931 an awm. Buaina chhuah hnu tho August thla chhung khan foreign tourist 1,043 leh domestic tourist 12,680 an awm a, hei hi thla dang nena khaikhin chuan a tlem hle niin a tarlang. Buaina chhuah hma thlaruk chung khan ramdang khualzin 25,585 zetin Sikkim an tlawh hman a, heihi nasa takin a tla hnim a ni.

Sikkim Hotel and Restaurant Association president Pema Lamtha chuan khauzin tlak­hniam­na hi 70-80 % vel zet a nih thu a sawi a, booking titawh mi tam takin an ṭhulh leh bawk a ni, a ti. A nghawng hi a namai lo hle tih sawiin, October - December chhunga booking tipawh kum dang zawng aia an tlem thu a sawi. Tour and Travel Agents Association of Sikkim (TASS) chuan an harsatna tawh chingfel tur hian state sorkar leh sorkar laipuite chu chak zawka hma la tura an phut thu a sawi. Sikkim chief minister Pawan Chamling chuan Darjeling buaina avanga an state-in harsatna a tawh hi a namai lo hle tih sawiin, an sum hloh hi cheng vaibelchhe 1,000 zet a nih thu a lo sawi tawh bawk.

GJM-te hian kawng hrang hranga ni 104 chhung zet lungawi lohna an lantir hnuah September 27 khan an tawpsan chauh a ni.