Manipur-ah Ruahsur nasa vangin harsatna a thleng

Tun hnai khan Mani­pur-ah ruah nasa takin a sur a, hei vang hian lui eng emaw zat chu hlauhawm chhinchhiahna chungah an luang tih tarlan a ni.

Manipur bakah hian hmarchha state hrang hrangah ruah hi a sur tih tarlan a ni a, chhiatna thleng liantham erawh a awm hriat a ni lo. Manipur-ah hian lui eng emaw zat chuan hlauhawm chhinchhiahna an pel tih tarlan a ni a, hei hian hmun ṭhenkhatah harsatna a thlen a ni. Hmun hniam lama awm Imphal khawpui leh a chehvelte chu lui lian hian a chim a, lirthei tlandan pawh tih danglam a ni. Singjamei lei chu a chim avangin Yumnam Leikai leh Loklaobung inkalpawhna pawh a buai phah a ni.

All Manipur Farmers Association chuan ruah­sur nasa vang hian an buh leh bal eng emaw zat an chan tih an sawi a, sorkar laipui chu ṭanpuina sum pe chhuak turin an phut tih an sawi. State sorkar chuan an harsatna tawh hi a ngaihsak lo niin an sawi bawk.