Garo-ten state hran phutna tharthawh leh tum

Garoland State Movement Committee (GSMC) leh National Federation for the New States (NFNS) chuan Garo state hran an phutna chu tharthawh leh turin Garo mipuite an sawm.

Pawl pahnihte hian state hran an phutna lantirna atan October 29 hian Tura-a Teteng Aja-ah meeting an huaihawt dawn a, he hunah hian Garo mipuite chu tel vek turin an sawm a ni.

Garo Hills Autonomous District Council (GHADC) deputy CEM leh NFNS vice president Nikman Ch Marak chuan Garoland state hran an phutna hi ram chhunga hruaitu hrang hrangte pawhin an thlawp niin a sawi.

Marak chuan, "Lungrual taka kan nawr ho chuan tih theih loh a awm lo. Kan hmalakna kawnga harsatna awmte pawh kan paltlang zel thei a ni. Social organisation leh NGO hrang hrang hruaitute pawhin min thlawp ṭha a ni," a ti.