Nagaland : Ram hectare 10,000 dawna zauah coffee hmun siam tawh

Nagaland sorkar leh Coffee Board thawk dun chuan Nagaland state-ah ram hectare 10,000 dawna zuaha coffee an ching mek. Heng coffee-te hi Europe leh Middle East ramahte an thawnchhuak dawn tih official chuan a sawi.

Official chuan ram hectare 8,412.49-a zau chu Arabica coffee plantation-ah siam mek niin, hectare 1,419.7 chu Robusta coffee plantation-ah siam a ni, a ti. Kum 2030-ah state sorkar chuan coffee hi ram hectare 50,000-a zauah chin hman a tum a ni.

Nagaland leilung hi coffee chinna atan a ṭha hle niin official chuan a sawi a, kum 1990 chho aṭang khan coffee plantation hi siam ṭan a ni a, mahse a tir lamah chuan a hlawhtling mai lo a ni. Mahse kum 2014 October thla khan Nagaland sorkar chuan Land Resources Development (LRD) chu nodal agency-a hmangin, coffee plantation hi a kalpui ṭha leh a, tunah chuan an state-a coffee tharchhuahte chu ram pawn lamahte thawnchhuah a ni tawh a ni, tiin LRD additional director Albert Ngullie chuan a sawi.