Civil mi kut thlak vangin Assam Police OC leh SI suspend

Assam sorkar chuan Dibrugarh district-a Moran police station-a officer-in-charge (OC) leh Sub-inspector (SI) chu civil mite kut an thlak avangin suspend an ni tih Pathianni khan a sawi.

Dibrugarh Additional Superintendent of Police Bitul Chetia chuan officer pahnihte chet dan hi department-in a chhui chiang mek tih a sawi bawk.

ASP chuan, "OC Bijoy Daimari leh SI Bhaben Dutta-te chu an chetdan avang hian Inrinni khan suspend an ni. Department-in thil thleng hi chhuiin, a chhuina report tihchhuah a nih hma chu suspend an ni ang," a ti.

October 7 leh 8 khan tourism entrepreneur Gyandip Borgohain leh a team-te chu Arunachal Pradesh aṭanga an haw chu Mohan police station-ah hian darkar eng emaw zat hrengin, kut an thlak nia sawi a ni. Hetih lai hian OC Daimari chuan khualzinte hian October 7 zan khan restaurant-ah a nupui chu chhaihin, mawi lo takin an khawih niin a sawi thung.