Inkalpawhna ṭha lo hi hmasawnna daltu lian tak a ni : Niti Aayog VC

Niti Aayog Vice Chair­man Dr Rajiv Kumar chuan Thawhṭanni khan Aruanchal Pradesha tlawh a, inkalpawhna ṭha lo chu hmasawnna daltu lian ber a nih thu a sawi.

Chief Minister Pema Khandu leh Council of Minister-te chuan Dr Rajiv Kumar hi meeting an neihpui a, hmasawna tur thil hrang hrangte an sawiho. Kumar chuan, Arunahcal chu state hmasawn tak a nih thu a sawi a, hetih rual hian inkalpawhna ṭha tawk lo chu an mutan pakhat a ni,a ti. State sorkar chu inkalpawhna ṭha zawk nei tura ngaihtuahna leh ruahmanna te siam turin a ngen a, chu chuan an harsatna a sukiang thei dawn niin a sawi.

Niti Aayog hmalakna hrang hrangte sawi langin, Arunachal chuan inkalpawhna ṭha zawk a neih theihna turin roadmap mumal tak siam sak a nih tur thu a sawi a, a theih anga hma lakpui a tiam bawk. CM Pema Khandu-a kaihhruai sorkarin Niti Aayog, regional confe­rence thleng tura hma a la chu lawmawm a tih thu sawiin, hmarchhak state hrang hrangte chu he hunah hian tel ngei turin a sawm bawk.

Prime Minister Na­rendra Modi-a'n New India Mission 2022 programme a kalpui zulzui a, New Arunachal Mission 2022 kalpui ve turin meeting-a telte chu a sawm a, hmasawnna tak tak nei tur chuan ruhmanna thui tak siam a ngai a ni, a ti. Chutih rual chuan Niti Aayog chuan an state tan schme a siamsak dawn lo tih sawiin, state sorkarin scheme a duang ang a, chutah chuan Niti Aayog chuan a pui zawk dawn che u a ni, a ti.

Meeting-ah hian De­ve­lopment and Finance Commi­ssioner Ashish Kun­dra chuan power-point presentation a nei a, Deputy Chief Minister Chowna Mein leh minister dangte an tel kim hle a ni.