Manipur CM-in India palaite a kawm ; Horticulture product thawnchhuah chungchang sawipui

Manipur chief minister N Biren Singh chuan Chief Minister Secretariat-ah India ambassador leh high commissioner parukte chu Thawhṭanni khan a kawm.

India palaite hi Indonesia rama ambassador Manoj Kumar Bharti, Tunia-a ambassador Nguikam Jathom Gangte,Republic of Cote d’Ivoire-a ambassador YK Sailas Thangakl, Romania-a ambassador Rahul Shrivastava leh Jamaica-a Indian high commissioner R Masakuti-te an ni. Heng palai paruk zinga pali hi Manipur state mi an ni.

Meeting-ah hian Chief Minister chuan an state-a zu siam, Sekmai packaging leh branding ṭha zawk siamna atana Special Economic Zone siam a rawt a, Manipur-a horticulture product-te ram pawna thawnchhuah dan chungchang a sawipui bawk a, hemi chungchangah hian palaite hian sorkar department hrang hranga official-te an kawm bawk ang.