Numaligarh Refinery leh BPC-te'n inremna ziak

Assam-a oil company lian, Numaligarh Refinery Ltd (NRL) leh Bangladesh Petroleum Corp (BPC)-te chuan kum 15 chhung atan inremna an ziak a, NRL hian Bangladesh-ah hian diesel hi an thawnlut dawn a ni.

Company official chuan, "Numaligarh Refinery Ltd chuan BPC nen kum 15 chhung atan inremna kan ziak a, Bangladesh-ah diesel thawnluh a ni dawn a ni" a ti. NRL Managing Director P Padmanabhan leh BPC Chairman A H Rahmatul Muneem-te chuan inremna an ziak a, sorkar laipui aiawhin External Affairs Minister Sushma Swaraj chu a tel a ni. Inremna hi chi thum ziah a ni a, BPC chuan diesel hi kum tin million metric tonne 0.25 a chawlut ṭhin dawn a, NRL hian Indo-Bangla Friendship Pipeline (IBFPL) kaltlangin a thlawnlut dawn a ni. A inkar hlat zawng hi km 133 niin, kumtin diesel thawnluh zat hi a pungchho ang.

Inremna siam a nih theih nan hian ram pahnihte hian inbiakna an lo nei fo tawh a, Bangaldesh Petroleum Minister Dharmendra Pradhan chuan NRL-te chu Siliguri-ah inbiakna a lo neihpui tawh bawk.