PM Modi-a'n Tripura leh AP tlawh dawn

Prime minister Narendra Modi chuan tun thla tawp lam hian Tripura leh Arunachal Pradesh a tlawh dawn.

Tripura chief minister Manik Saha chuan PM hian an state-a Prime Minister Awas Yojana (PMAY) hnuaia in sak chu a hawng dawn tih sawiin, vantlang inkhawm buatsaihah thu a sawi dawn a, project ṭhenkhatah lungphum a phum bawk ang, a ti.

Tripura state assembly inthlanna hi nakkum February thla velah neih a ni dawn a, party hrang hrangte chu an campaign chho mek a ni.

Sorkar laipui chuan PMAY hnuaiah kum 2020-22 chhung atan Tripura-ah hian in, dwelling hut nuai 1.60 sakna tur a pe a, in tam tak sak a ni tawh a ni.

PM Modi hian Arunachal Pradesh state pawh a tlawh dawn bawk, AP-a Donyi Polo airport chu a hawng nghal ang.

Modi-a zin hun tur tak hi tihchian a la ni lo a, October 27 emaw October 28-ah emaw a kal dawn nia sawi a ni.