Assam-ah Shatabdi Express service ṭan

Union Minister of State for Railways Rajen Gohain chuan chuan Assam-a Shatabdi Ex­press service hmasa ber chu Dibrugarh aṭngin a vai liam.

Shatabdi Express train hi Dibrugarh - Guwahati-ah a service dawn a, hei hian mipuite mamawhna a phuhruk theih beisei a ni. Minister Gohain chuan, Dibrugarh-Guwahati Shatabdi Express hi ṭangkai taka hman a nih a beisei thu sawiin, hmasawnna thlentu a nih a beisei tih a sawi. Shatabdi Express-te hi rel tlanchak leh ṭha ber pawl niin, air-condition dah thlap a ni a, passenger a hip hle.

Minister Rajen Gohain chuan hmarchhak hmasawnna chu Prime Minister Narendra Modi-a ngaihpawimawh ber pakhat a nih thu sawiin, inkalpawhna ṭha nei turin hma lak zel a ni ang, a ti. Railways Ministry chuan hmarchhak lam a hawi zel dawn a, project pawh eng emaw zat a kalpui mek a, ruahmanna pawh siam belh zel a ni, a tibawk.