Manipur-ah China mi man

Manipur khawpui Imphal-ah China mi pakhat chu Ningani khan man a ni a, document mumal nei lo nia tarlan a ni.

Police-te chuan an mi man hi Liu Peng a nih thu sawiin, Protected Area Permit (PAP) a neih loh vangin man a nih thu an sawi. Man a nih hnu hian police custody-ah dah a ni a, ni thum chhung hren a ni ang. Manipur tlawh tur hian PAP hi a ngai tih an sawi a, hemi a neih loh vang hian man a nih thu an sawi.

Liu Peng hian Bangaluru aṭangin Kolkata a pan a, hemi hnu hian Manipur hi pan lehin, October 22 khan a thleng a ni. Document felfai a neih loh avang chauha man a nih thu an sawi a, misual a nih loh thu an sawi. Manipur police-te hian October thla chhungin document mumal nei lo mi pathum an manna a ni.