Assam sorkarin zirlai tiṭhate hnenah scooter 35,800 a sem dawn

Assam sorkar chuan kumina higher secondary examanition-a tiṭha, zirlai 36,800-te hnenah scooter a pe dawn.

Education minister Ranoj Pegy chuan Nilainia chief minister Himanta Biswa Sarma hoa cabinet meeting chuan, zirlai tiṭhate hnena scooter sem rawtna hi a pawm tih a sawi.

Scooter hi higher examination-a zirlai hmeichhia, first division-a pass chin leh zirlai mipa, 75% mark chin hnenah sem a ni dawn a, a dawng thei tur hi zirlai hmeichhia 29,748 leh mipa 6,052 an awm.

Department of Higher Education chuan scooter an pekte registration leh insurance tihna tur sum a tumsak vek bawk ang. Scooter sem tur atan sorkarin sum a sen tur hi Rs vbc 259 vel a tling dawn a ni.

Nilainia cabinet meeting hian provincialised college-a fixed pay-a thawk, assistant professor-te hlawh chu Rs 55,000-a tihpun a remti bawk.

Tourism minister Jayanta Malla Baruah chuan cabinet chuan plain-a cheng hill tribe leh, hills-a cheng plain tribe-te tana certificate pekchhuah dan kaihhruaina a siam bawk tih sawiin, caste certificate chu 'Mission Bhumiputra' hnuaiah deputy commissioner-ten an pechhuak dawn tih a sawi. Tourism lam tihchangtlunna turin Hyatt Group chuan Kaziranga-ah hotel an siam dawn tih Baruah chuan a sawi bawk a ni.

Meeting-ah hian home guard-te daily duty allowance, Rs 300 ni ṭhin chu Rs 767-ah tihpun remtih a ni bawk a, hei hi hman thuai a ni dawn tih Home and Political Department thuchhuah chuan a tarlang.