SpiceJet-in Sikkim-ah service titawp

Sikkim state-a airline service awmchhun, SpiceJet chuan Pakyong airport-a an service chu an titawp rih dawn tih a sawi a, hei vang hian Sikkim-ah thlawhtheihna service a awm dawn lo a ni.

Pakyong Airport director hnenah lehkha an thawnah, "SpiceJet chuan Pakyong-a service chu October 30,2022 aṭangin thu leh a awm hma chu a titawp rih dawn a ni," tiin hei hian an hna thawhna lama thil ṭul vang niin an sawi.

Ude Desh Ka Aam Naagrik-Regional Connectivity Scheme (UDAN-RCS) policy hnuaiah SpiceJet hi Pakyong-ah a service a ni. SpiceJet hian Bombardier Dash 8 Q400 aircraft 30 vel neiin, hengte hi regional flight-ah hman an ni.