AP sorkarin hri leng dona atan Rs vbc 9.49 hmang tawh

Arunachal Pradesh sorkar chuan Covid-19 dona atan cheng vaibelchhe 9.49 a seng tawh tih a sawi. 

Heng sum an sente Chief Minister’s Relief Fund (CMFR) ami niin hri dona hmanrua pawimawh leina atan leh, state danga tang­khangte chhawmdawlna atan hman a nih thu secretary to the chief minister Ameya Abhyankar chuan a sawi. 

Chief minister Pema Khandu chuan CMRF-a sum chhunkhawm chu Nilaini thleng khan cheng vaibelchhe 19.89 a tling tawh tih sawiin, phal taka hri dona atana sum thawhtu chungah lawmthu a sawi nghal bawk. 

Arunachal Pradesh-ah hian Covid-19 kai pakhat hmuh a ni a, mahse ani pawh hi enkawl dam ni tawhin April 17 khan damdawiin aṭangin chhuahtir a ni tawh a ni. Health department chuan sample 1,039 test tura thawn a nih tawh thu leh, heng zinga 180 result chu nghah mek a nih thu a sawi.