Agartala-Delhi inkarah Rajdhani Express tlan ṭan

Union Minister of State for Railways Rajen Gohain chuan Tripura khawpui Agartala leh New Delhi inkara Rajdhani Express service hmasa ber chu a vailiam a, November 6 aṭangin mumal taka service tir tum a ni.

Railways Minister Rajen Gohain chuan Rajdhani Express hi Anand Vihar station aṭngin a vailiam a, Tripura bakah hmarchhak mipuiten

ṭangkai taka an hman theih a beisei thu a sawi. Hmarchhak state pathum-ah Rajdhani Express hi a lo service tawh a, Tripura hi a pali-na a ni. Northeast Frontier Railways (NFR) Chief Public Relations Officer Pranav Jyoti Sharma chuan Agartala-Delhi hi November 6 aṭangin regular takin a service tawh dawn tih sawiin, kar khatah vawi khat a tlan ṭhin ang, a ti. A inkar hlat zawng hi km 2,413 a ni a, Tripura, Assam, Bihar leh Uttar Pradesh-ah te station 16 a awm a ni.

Rajdhani Express vailiamna hunah hian Tripura Governor Tathagata Roy bakah, PWD Minister Badal Choudhury, Transport Minister Manik Dey leh sorkar mipawimawh eng emaw zat an kal a ni.