Silk production tihpun nan sum ruahman hnem

Central Silk Board (CSB) chair-man K M Hanumantharayappa chuan silk tam zawk thar chhuah a nih theih nan sorkar laipui chuan hmarchhak tan cheng vaibelchhe 690 a ruahman thu Pathianni khan a puang.

CSB chairman K M Hanuman-tharayappa chuan China chuan silk production lamah nasa taka hma a sawn avangin, sorkar lapui chuan he lamah hian ṭanlak a ngai tih hriain sum tam tak a ruahman tih a sawi. Hmarchhaka district 24-te tan cheng vaibelchhe 690 ruahman a nih thu sawiin, hei hi North East Region Textile Promotion Scheme (NERTPS) hnuiah kalpui a nih tur thu a sawi. Project 24 kalpuina tur hian state hrang hrang thlan chhuah an ni a, Assam-ah district paruk thlan an ni a, Meghalya-ah pahnih, Manipur-ah pahnih leh state danga district hrang hrangahte kalpui tura ruahman a ni.

Project hi category pahnih - Integrated Sericulture Development Project (ISDP) leh Intensive Bivoltine Sericulture Development Project (IBSDP)-ahte ṭhen a ni a, silk, mulberry, muga, eri leh tasar tam zawk tharchhuak turin hmalak a ni ang. Hmarchhak hian silk thar chhuah kawngah a thawh hlawk hle a, ram chhunga tharchhuah zawng zawng aṭanga 21% zet a thawh a, hei hi tipung turin project hi duan a ni.

Sorkar laipui chuan Meghalaya-ah mulberry project kalpui turin ruahmanna a lo siam tawh bawk a, kum thung chhung atan cheng vaibelchhe 29 a ruahman a ni. Meghalya-ah hian mulberry farm eng emaw zat a awm a, hengte hi Bristish hun lai kum 1925 vel daih aṭanga din tawhte an ni a, hemi tihchangtlunna atan hian project hi duan a ni.