AP-in Indian Urban Housing Conclave-ah award 3 dawng

Arunachal Pradesh state chuan Rajkot, Gujarat-a Indian Urban Housing Conclave 2022 neihah award pathum a dawng.

Indian Urban Housing Conclave hi Nilaini khan neih a ni a, Arunachal Pradesh state hian PMAY(Urban) hnuaia information, education and communication (IEC) activity kalpui ṭha lawmman te, PMAY(U) hnuaia hnathawh ṭhat lawmman bakah, Tawang district bik chuan hmarchhak leh hilly state zingah Nagar Panchayat Category hnuaia thawk ṭha lawmman pahnihna a dawng bawk.

Chief minister Pema Khandu chuan an state-in PMAY-U hnuaia hnathawh ṭhat lawmman pathum an dawng chu lawmawm a tih thu sawiin, an hnathawh ṭhatte hriatpuina hian PMAY-U kalpui zelna turah pawh a tichak zel dawn a ni,tiin a sawi.

Conclave-ah hian Arunachal Pradesh aiawh hian Tawang deputy commissioner K N Damo, urbal local bodies joint director Nixon Lego, UD and housing executive engineer D K Thungon leh SLTC municipal civil engineer Gomo Kamdal-te an tel.

Award hlanna inkhawm hi prime minister Narendra Modi, housing and urban affairs minister Hardeep Singh Puri leh a deputy Kaushal Kishore bakah HUA secretary Manoj Joshi-ten an hmanpui bawk a ni.