Ram chhunga tualthahna rate san lamah Assam state pathumna a ni

National Crime Record Bureau (NCRB)-in data a tihchhuah tharah, kum 2021 khan Assam state chu India rama state zingah tualthahna thlen tam lamah pathumna a ni.

NCRB chuan kum 2021 khan Assam-ah hian tualthah thubuaiah ziahluh 1,269 a awm tih sawiin, hei hi thubuai ziahluh aṭanga 3.4% a tling pha. Kum 2019 leh 2021 inkarah tualthah thubuai ziahluh hi 3,558 a awm tawh a ni.

Kum 2021-a tualthah thubuai ziahluh zingah case 311 chu 'mimal inhuatna/phuba lakna' nia sawi a ni a, case 277 chu intihbuaina vang leh 107 chu ram leh hmun chungchanga buaina vang nia sawi a ni. Thuam chhawm kaihhnawih, dowry case-a tualthahna hi ṭum kua a thleng bawk.

Nikum chhunga tualthatna rate san berna state chu Jharkhand niin, thubuai ziahluh zinga 4.1% chu tualthah thubuai a ni. Haryana chuan dawtin 3.8% a awm bawk. NCRB tarlan danin, kum 2021-a ram pumah thubuai ziahluh aṭangin tualthah thubuai hi 2.2% a awm.