Assam CM leh Czech ambassador-in meeting nei

Assam chief minister Sarbananda Sonowal leh Czech Republic ambassador, Milan Hovorka-te chuan Thawhṭanni khan meeting an nei a, sumdawnna leh art and culture chungchang an sawi dun.

Czech Republic Ambassador hi Guwahati International Film Festival chhim tura kal a ni a, a cham chhung hian Assam chief minister nen hian meeting hi an nei a ni. Cultural thilte an sawi a, sports exchange chungchangte pawh an sawi dun a ni. Assam CM chuan Czech Republic sorkar nena inlaichinna ṭha zawk neih a duh thu sawiin, research leh technology lam thlenga thawhhona neih a duh thu a sawi bawk.

Sonowal hian Czech Republic ambassador hi Global Investors Summit-a tel turin a sawm a, Milan Hovorka chuan Assam CM sawmna hi a ngaihpawimawh tur thu a sawi.