Meghalaya-ah heroin Rs vbc 15 hu an man

Meghalaya police-te chuan Inrinni liam ta khan East Khasi Hills district-ah heroin, cheng vaibelchhe 15 man hu an man a, mi pahnih an man bawk.

Police-te chuan heroin hi Guwahati-Silchar highway, Mawryngkneng khuaah an man thu sawiin, sahbawn bawm 150-ah thuhruk an nih thu an sawi.

Heng ruihhlote hi Manipur aṭanga Shillong panpui tum a ni. Ruihhlo kengtu mi pahnihte hi NDPS Act hnuaiah thubuai siamsak nghal an ni.