Nagaland-in 'Miss Northeast' beauty pageant hmasa ber thleng dawn

North East Beauty Pageant Organisation (NEBPO) buatsaih, Miss North East beauty pageant hmasa ber chu November 3 hian Nagaland-ah neih a ni dawn.

Beauty and Aesthetic Society of Nagaland (BASN) president, Melekhoto Pucho chuan contest-ah hian hmarchhak state pariat aṭangin contestant 15 an tel dawn tih a sawi. Tripura state aṭangin contestant pakhat awmin, a bak state dang pariatten contestant pahnih ṭheuh an nei dawn a ni.

BASN president chuan contest hi hlawhtling taka neih a nih theihnan an inbuatsaih mek thu a sawi a, Nagaland sorkarin a sponsor dawn tih a sawi bawk.

NEBPO chuan NE Beauty Pageant hmarchhak state hrang hrangah neih chhawk turin a ti a, nakkumah Sikkim state-in a thleng ang.