Manipur police-ten MSPCL office an dap

Manipur police-te chuan Thawhṭanni khan Manipur State Power Company Limited (MSPCL) head office leh an managing director (MD) chenna in an dap.

Police-te hian dik lo taka MSPCL-in cheng vaibelchhe 5 a lachhuak nia sawi chungchang an chhuina kal zelah office hi an dap a ni.

MSPCL hian NLCPR (Non-Lapsable Central Pool of Central Resources) hnuaiah sorkar laipui aṭangin project Rs 9,45,80,600 a thawk a ni. He proejct hi Chkapikarong-a 2x1MVA sub-staiton leh, 33KV line km 45-a thui siamna tur a ni. Kum 2009 khan hna hi thawh ṭan niin, kum 2015 khan hnathawh zawhna report chu MSPCL hian a thehlut tawh bawk.

Mahse power line siamna tur fund hi dik lo takin Rs vbc 5 lakchhuah nia sawi a ni a, km 4 vel chauhin sum hi lakchhuah niin an sawi a, hei hi Lokayukta chuan a chhui zui a ni.

SP Shrey Vats kaihhruaina hnuaiah Kakching district police-te chuan MSPCL office, Imphal Keishamphat ami leh, MD Nandeibam Sarat-a chenna, Imphat West-a Thangmeiband Yumnam Leikai ami chu darkar hnih vel an dap a ni.