AP-ah dawr 700 chuang a kang ral

Arunachal Pradesh khawpui, Itanagar bula Naharlagun bazarpuiah nimin zing khan kangmei nasa tak a chhuak a, dawr 700 chuang a kang ral.

Official-te chuan zing dark 4.30 velah kangmei hi a chhuak nia sawiin, kangṭhelh hna hi rang taka thawh ni mah se, mamawh ang tui a awm loh vangin an thunun mai thei lo tih an sawi a ni.

Kangmei chhuah chhan hi hriat chian a ni lo a, kangmei tuarte tan hian thuneitute chuan a bul hnai school-ah relief camp an siam nghal a ni. Chhiatna thlengah hian thi leh hliam report an awm lo bawk.

Thawhṭanni zan khan West Siang district-a Aalo-ah kang mei chhuakin in pakhat a kangral bawk a, in dang a kangkai tur erawh kangṭhelhtuten an veng hman a ni.