AP CM-in Arunachal eService tlangzarh

Digital Arunachal kaihhnawihah hma­sawnna kawng khat­in belh a ni leh ta a, Arunachal Chief Minister Pema Khandu chuan Thawhlehni khan Arunachal eService (Service Plus) chu mi­puite hman theih turin a tlangzarh.

eService hi digital platform mipuite leh sorkar awlsam zawka an indawr theihna tur a ni a, Government to Citizen (G2C) service system pawimawh tak a ni dawn a ni. He electronic service thar hnuaiah hian mipui tu pawn khawi hmun aṭang pawhin an mahni district deputy commisioner office ṭheuh an dawr thei tawh dawn a ni. eService hi ṭangkai taka hman a nih chuan thil engkim langtlanga kalpui a nih tawh dawn avangin eiruk dona kawngah pawh hmanraw ṭangkai tak a ni dawn a ni.

Service pawimawh tak tak paruk - Scheduled Tribe, Permanent Resi­dent, Temporary Resident, Income, Dependent and Character Certificate-te chu awlsam takin online-in a buaipui theih tawh dawn a, hei hiam mipuite tan thiltih a tiawlsam sawt ang.

Pema Khandu chuan IT & Communication department mai bakah Natinal Informatic Centre (NIC) chu fakin, Prime Minister Narendra Modi-a'n digital India a kalpuina kawnga hmasawnna kawng khat a ni, a ti.

Rintlak, langtlamg leh eirukna tel loa sorkar hnathawk te'n mipuite rawng an bawlsak theihna tur hmanrua a nih tur thu sawiin, IT Department secretary Sonam Chombay leh Special secretary Prince Dhawan pawh a fak hle a ni.

eService tlangzarh inkhawmah hian Le­gis­lative Assembly De­pu­ty Speaker Tumke bagra, Chief Secretary Shakun-tala D Gamlin bakah IT& Communication department officials-te an tel ṭha hle a, NIC official-te pawh an tel bawk a ni.