Nagaland : KPU-te'n darkar 48 chhung NH-2 an dang

Nagaland-a Kohima district, Tseminyu sub divison hnuaia mi Kandi Public Union (KPU)-te chuan National Highway (NH)-2 chu an dang a, darkar 48 zet a awh avangin nunphung a kaihlak anasa hle. Sorkar laka an thilphut tihhlawhtlin a nih loh avanga bandh hi huaihawt an ni a, Thawhlehni aṭang khan bandh hi an ṭan a, Nizan zanlai thleng khan kawng hi an dang a ni.

Chunlikha RD Block-ah BDO office building sak an duhna sorkar hnena an thlen chu ni 15-a ral hnu pawha sorkar lamin chhanna ala pek loh vanga bandh hi huaihawt a ni a, NH-2-ah hian police duty, ambulance leh inneih motor tih loh chu motor eng chi mah kal tlang an phal lo a ni.