Sorkar laipuiin Rohinga-te enfiah turin Tripura hriattir

Sorkar laipui chuan Tripura Chief Secretary Sanjev Ranjan hnenah leh­kha thawnin, ramari vela Rohinga raltlante enfiah a, endikna nei turin a ti.

India sorkar Joint Sec­retary Dilip Kumar-a'n a lehkha thawnah hian Rohingya raltlante chu ram hausaknain a dawl zawh loh thu leh, ram venhimna tibuai thei an nih thu a inziak a, dan lo a ramchhunga lo lutte chu enfiah ngei an ṭul thu a tarlang bawk.

Rakhine state, Myanmar aṭanga raltlan dan lo a India ram rawn lutte chu enfiah a, zawnchhuah an nih hunah an rama thawn kir leh an nih ngei theih nana hma lak a ni dawn a, hei hi buaina lian zawk a chhuah loh nana tih a ni.

India ramah hian Rohingya raltlan hi mi singli vel an lo lut tawh ni a hriat a ni a, September thla tir kha dan loa ramri kan mi pali chu Tripur-ah hian man an lo ni tawh bawk. June thla khan mi pathum police te'n an lo man tawh bawk a, Delhi-a kal tum an nih thu an sawi bawk.

India ramah hian Rohingya raltlante hi hmarchhak aṭanga a ruka rawn lutin, khawpui laili lama luh zel an tum nia hriat a ni.