Manipur-ah heroin vangin mi 4 man
Manipur police-te chuan Thawhlehni khan heroin (no.4) vangin mi pali an man a, an mi man zingah hian nufa pawh an tel a ni. Heroin hi gram 72 zet man a ni a, hei bakah hian an mi mante kut aṭang hian cheng nuai 12.9 an man tel bawk.
Manipur police-te chuan an thudawn bawh zuiin Churachandpur district drug cell unit-te chuan Lalchaamrem (56) in an dap a, heroin gram 72 leh cheng nuai 12.9 an man bawk. An pawisa man hi damdawi hralhna a nih rin a ni. Midang pahnih pawh rinhleh thlithuah man an ni bawk.
Hetih lai hian Red Shield Dicision hnuaia Senapati Brigade, Jwalamukhi Battalion-te chuan November 3 khan Kangpokpi Ridge area aṭangin ralthuam eng emaw zat an man thu an tarlang ve bawk. An ralthuam man zingah hian AK-56 rifle leh a magazine round 25, silaimu 5.56 mm round 15 leh ralthuam dang eng emaw zat a tel thu tarlan a ni.