Bangladesh-in firfiak panga India kutah hlan

Manipur leh Nagaland mi firfiak a che ṭhin mi pangate chu Bangladesh police-te'n Assam polcie kutah Thawhlehni khan an hlan.

Silchar-a police official pakhat chuan heng mite hi Bangladesh jail-ah kum 13 an tan hnuah, Assam police kutah hian an hlan tih a sawi. Karimganj police chief Gaurav Upadhyay chuan Bangladesh police-te hian Sutarkandi border-ah heng firfiakte hi Assam police kuta an hlan thu sawiin, an zinga pathumte chu thu zawhfiah mek an nih thu a sawi.

An mi man zinga pali te hi Manipur’s People’s Liberation Army (PLA) mi leh sa an nih thu an hre tawh a, pakhat erawh hi chu a nihna an la hrechiang lo thung. Bangladesh hian a hma pawhin India kutah hian India firfiak eng emaw zat a lo hlan tawh bawk a ni.

Hmarchhak state pali - Tripura, Meghalaya, Mizo­ram leh Assam-te hian Bangladesh an ri a ni.