AP-in Thailand aṭangin Buddha relic dawng

India leh South East Asian ram mipuite inpawh tawnna, connect people-to-people kalpuina atan Thailand puithiam hotu (Sangharaja) chuan Arunachal Pradesh khawchhak lama Tai Khamti mipuite tan Budhha hriatrengna thil chi khat (relic) a hlan.

Thailand Sangharaja, Somdet Phra Mahamuniwong chuan Arunachal-a Namsai district-a Kongmu Kham (Golden Pagoda) tan he thilpek hlu tak hi a pe a ni.

Arunachal Deputy Chief Minister Chowna Mein chuan Dibrugarh-a Mohanbari airport aṭangin he relic hi a dawng a, Thawhṭanni khan mipui sang tam takin lawmna an nei a ni.

Golden Pagoda aiawh te hian October ni 19 khan Bangkok-ah he relic hi an lo han lam tawh a, Thai delegate team mi 13 te'n an rawn keng a ni.

He thilpek lakna senso zawng zawng hi Chief Minister Pema Khandu in a tum vek a, Chowna Mein chuan Golden Pagoda thilpek dawn vang hian ram pahnihte inkarah inkungkaihna ṭha a awm phah ngei ang, a ti.