Assam-in home quarantine hun titawi

Assam sorkar chuan Covid-19 kai, enkawl dam tawhte in lama ni 14 dang inkhung hran lehna tur dan a siam chu tidanglamin, in lama inkhung hran hun hi ni sarih-ah a titawi. 

Health department chuan thu­chhuah siamin, home quarantine hun tihtawi a nih bakah, sorkarin an mamawh, Rs 2,000 hu a tum sak ṭhinte pawh below poverty line (BPL) chhhungkua, kum  upa zawk leh rualbanote tan chauh a tum sak tawh dawn tih a sawi. 

State sorkar hian ni 14 chhung home quarantine tura tih, chhngkaw nuai 1.12 chuang hnenah an mamawh, Rs 2,000 hu a lo tumsak tawh a ni. Department thuchhuah chuan Covid-19 kaite chu damdawia enkawlna ṭha tak pek vek a tum tih sawiin, mipuite chu a thlawnin test neihsak leh, hri kaite pawh a thlawna enkawlna pek zel a tum a ni, a ti.