Nagaland-in 'Tribal Festival' buatsaih

Nagaland-a art and culture department chuan India zalenna lawmna, Azadi Ka Amrit Mahotsav pualin Nilaini khan Kohima-ah 'Tribal Festival' a buatsaih.

Directorate of art and culture Amphitheatre-a festival buatsaihah hian state chhunga tribal cultural troupe 15 an tel a, hnam lam leh zaite an entir.

Khuallian, art and culture leh tourism adviser, Khehovi Yepthomi chuan Naga-te chu culture dangdai leh hausa tak nei, ṭawng leh tradition hrang hrang nei an ni tih sawiin, heng tradition leh culture dangdai takte hi chawisan a, humhalh zel a ṭul thu a sawi. Ṭhangthar zawkte hnenah an culture zirtirna tura hetiang hunte hi huaihawt chhoh zel a ngai tih a sawi bawk. District hrang hrangte chu cultural club din a, exchange programme-te buatsaih ṭhin turin a chah bawk a ni.

Yepthomi chuan Nagaland sorkar chuan Naga culture vawnhim a, chawilarna turin Hornbill festival, mini Hornbill festival leh tribal festival-te a buatsaih ṭhin a, heng hunte hman ṭangkai thiam turin mipuite a chah.