Manipur-in Northeast Aero Sports Hot Air Baloon & Para Motors Fiesta thleng dawn

Manipur state chuan nakkum February 11-17 chhung hian Northeast Aero Sports Hot Air Baloon & Para Motors Fiesta hmasa ber tur a thleng dawn.

He event hi Khasia Ventures Pvt. Ltd unit, SykFunzy leh Capt. Imochaoba Singh thawkdunten an huaihawt dawn a ni.

Capt. Singh hi DGCA-in Hot Air Baloon-a pilot license a pekchhuah hmasa ber niin, DGCA hnuaiah India rama flight instructor rating holder hmasa ber leh, Indian Army & Navy-a trainer awmchhun a ni bawk.

Manipur sports minister Govindas Konthoujam chuan he festival an thleng tur hi tourism department lamin an hlawkpui dawn bakah, sports culture lam pawhin hma a sawn phah dawn hle tih a sawi. Fiesta neih tur hian ram dang sportsperson tam tak chu Manipur-ah a hip lut dawn a ni, a ti.

Khasia tam chuan thuchah siamin, an event buatsaih turah hian BookMyShow chu ticketing partner a nih thu an sawi.