Assam-ah ruihhlo tam tham tak man leh

Assam police-te chuan Ningani khan Assam-Meghalaya border bul, Jorabat area-ah ganja kg 2,000 chuang leh a neitu nia puh mi pahnih an man. An ruihhlo man hi cheng vaibelchhe 15 man nia chhut a ni.

Police-te hian thu an dawn bawhzuiin, Manipur aṭanga Assam lam pan truck pakhat chu dapin, ganja tam tham tak hi an man a ni. An ganja man hi high-quality a nih thu an sawi.

Joint commissioner of police, Guwahati, Partha Sarathi Mahanta chuan an ganja man hi kg 2,400 dawn a nih thu sawiin, high quality a ni a, market value hi kg khat Rs 60,000 vel a ni, a ti. Ṭum khata ruihhlo an man tam zinga mi a nih thu a sawi bawk.

Nilaini khan police-te hian Karbi Anglong district-ah ruihhlo an man bawk a, a neitu nia puh mi pali an man tel bawk. Karbi Anglong SDPO, John Das chuan Manipur aṭanga motor lut pakhat an endiknaah heroin kg 1.263 a man tih a sawi. Heng ruihhlote hi sahbawn bawm 100 chuangah an khung a, pawisa fai Rs 70,000 an man tel bawk tih a sawi. An heroin man hi Rs vbc 10 man hu vel a tling a ni.

Karimgabnj-ah pawh police-ten heorin, gram 621.14, sahbawn bawm 48-a thukruk chu an man bawk. Additional SP Partha Protim chuan ruihhlo hi Mizoram aṭanga lakluh a nih thu a sawi.