BJP team in Tripura an tlawh dawn

BJP Parliamentary team chuan November 10 hian Tripura an tlawh dawn.

Assam Minister Himanta Biswa Sarma-a'n Ningani-a thuchhuah a siamah BJP hruaitu ṭhenkhat chu Tri­pura-a Comminist party of India- Marxist (CPI-M) te'n ro an rel dan zirchiang tura an kal thu thu a tarlang.

Himanta Biswa Sarma chuan BJP team te hian thil awmdan an zirchian zawh hnuah Parliamnet winter session-ah an thil hmuh te an pharh dawn thu a sawi. Tripura-ah hian dal palzutna a nasat thu leh, CPI-M-ten BJP hruaitute leh workers-te nitina an beih thu a sawi bawk a, police te pawn an hnathawh tur ang an thawk lo niin a sawi bawk.

Sharma chuan BJP Pre­sident Amit Shah pawn December-ah Tripura a tlawh tur thu sawiin, kumthar February thlaa inthlan lo awm tur atan a campaign nghal dawn niin a sawi. Tripura sorkar hnuaiah post 60,000 chuang a awl laiin a hnawhkhat tur an lak loh thu leh, ṭhalai hna nei lo tamtak an awm thu a sawi bawk a ni.

Assam Minister chuan Tripura Left Front-te hneh theih ngeina turin BJP chuan ruahmanna thar a neih thu a sawi a, Manipur ang thoin Tripura-ah hnehna an chang leh ngei dawn niin a sawi bawk.