Naga society-in inpumkhatna a mamawh : CM Rip

Nagaland chief minister Neiphiu Rio chuan Naga society in a mamawh pawimawh ber chu inpumkhatna leh inlungrualna a ni, a ti.

Chief Minister Rio hian Inrinnia Naga Students Federation (NSF) kum 75 tlin lawmna, Kohima-a Naga Solidarity Park-a neih a hmanpuinaah he thu hi a sawi a ni.

NSF platinum jubilee lawmna hi thupui ' Call to Oneness' tih hmanga neih a ni. Naga chenna bial hrang hrang aṭangin a lawmnaa tel tur hian an kalkhawm a, hmarchhaka zirlai pawl hrang hrang aiawhte pawhin an telpui bawk.

Rio chuan NSF hruaitu hmasate hmalakna te, an inpekna leh an hmathlir neih ṭha tak tak chu tun thlenga he pawl khalh kaltu a la ni tiin a fak. Kum 75 chhung zirlaite chauh ni lo, Naga mipuite tana an thawh theih avangin NSF chu a lawmpui thu q sawi. Naga mipui inpumkhatna atana thawk chhunzawm zel turin a chah.

MSF jubilee lawmnaah hian Arunachal Pradesh home minister Lowangcha Wanglat chu special guest a ni.