Union Minister-in Sikkim state sorkar a fak

Union minister Bhagwant Khuba chu central flagship programme hrang hrang hlawhtling taka a kalpui avangin Sikkim chief minister Prem Singh Tamang kaihhruai sorkar a fak.

State sorkar official-te nena review meeting an neih zawha chanchinthar lakhawmtute a kawmnaah, union minister of state for chemicals and fertilizers Khuba chuan, "Sikkim chuan Jal Jeevan Yojana leh central flagship programme hrang hrangte chu hlawhtling takin a kalpui a, state mipui tam takin an chhawr a ni," a ti. Zirlaite tana zirna ṭha zawk pek a nih theihna tura educational infrastructure tihlenna lama ṭan an lak avangin Sikkim sorkar a fak bawk.

Union Minister chuan mi hrang hrangte hnen aṭanga rawtna lutte pawh hmalak zelna turah a ṭangkai dawn tih a sawi a, hmalak zel dan tur ruahmanna fel tak siam a ṭul thute a sawi.