Tripura sorkarin infiammite tan sorkar hnaah chanpual siamsak dawn

Tripura sorkar chuan infiammite tan sorkar hnaah chanpual a siamsak dawn tih sports minister Sushanta Chowdhury chuan a sawi.

Infiammite tana reservation hi Group C leh D category post-ah siam a ni ang.

Chowdhury chuan infiammite tana reservation siam rawtna chu chief minister Manik Saha chuan a ngai pawimawh hle tih a sawi a, "Hetianga reservation lo siam tawh, Maharashtra, Manipur, Uttar Pradesh leh Andhra Pradesh sorkarte kalpui dan pawh kan lakhawm a ni. State thenkhat chuan infiammi tan hian 2-4% reservation hi an lo siam a ni, " a ti.

Reservation siam a nih chuan an state ṭhalaite pawhin infiamna lam chu an lak thutak theih phah dawn niin Minister chuan a sawi bawk.

Khelo India hnuaiah sorkar laipui chuan Tripura tan sports infrastructure siamna turin Rs vbc 39 a pe a, state sorkar hian sports facility hrang hrang tihchangtlunna turin Rs vbc 22 a pe bawk ang.