Manipur : Congress workers' case CBI-in a chhui ṭan

Manipur Assembly Election, 2012 neih dawna Congress worker ṭhenkhat thah an nih chung chang leh, Police te'n mi pakhat an kahhlum chungchang chhui chiang tura Central Bureau of Investigation (CBI)-te rawih an nih hnuah, CBI chuan hi kar kalta aṭang khan hna a thawk ṭan ta.

CBI-te hian kar kalta Ningani khan he case chungchanga First Infor­mation Report (FIR) pawh an thehlut tawh a, an report-ah hian January 14, 2012 khan Manipur Police-te chuan Thangjam Thoithoi an thah thu a inziak a, Thoithoi leh a thurualpuite hian Congress worker-te hi bomb hmanga thah tuma ruahmanna an neih thu a inziak bawk.

He case chhui chiang tur hian Supreme Court chuan July 14 khan CBI-te hi thu a lo pe tawh a ni.

FIR-ah hian he in­beihnaa sulsultu bera an rinhlelh chu tlanchhiat a tum thu leh kahhlum a nih hnu hian hian two-wheeler, Chinese hand granade leh 9m pistol-te chu a ruang bula hmuh a nih thu a inziak bawk a ni.