Tripura : BJP-te'n Academic deptt. mumal lo chhui phut

Tripura sorkar hnuaia academic kaihnawihah thil fel lo tam tak a awm ni a sawiin, eptu pawl Bharatiya Janata Party (BJP) chuan dan anga chhui an phut thu an sawi.

Tripura BJP hruaitu Sudip Roy Barman chuan, Tripura Board of Seconday Education (TBSE)-te'n exam paper an check dan chungchangah thil fel lo lian tak a awm thu a sawi. Barman chuan tun hnaiah zirlaite'n mark sang tak tak an hmuh thu sawiin, hei hi high court judge-te kaihhruaina hnuaiah dan ang taka chhui a nih loh chuan thil awmdan hi chhuichhuah theih a ni lo ang, a ti.

Induhsakna avanga hna hmu leh inthlahdah an tam avangin, December thla a ral meuh chuan Court thuchhuah angin sorkar zirtirtu mi 10,323 te'n an hna an chan dawn tih BJP legislator pakhat chuan a sawi bawk. BJP hruaitute chuan Left Front sorkar hnuaiah education system chu nasa taka a tlakchhiat thu an sawi bawk a ni.