Manipur CM-in Chaga Ngee festival hmanpui

Manipur chief minister N Biren Singh chuan Pathianni khan Senapati district-a Makuilongdi-II-a Chaga Ngee festival neih chu a hmanpui a, cabinet minister leh MLA ṭhenkhatten an ṭawiawm.

Chaga Ngee festival hi Liangmai tribe festival lian ber a ni a; hnehna, hmuingilna leh vanneihna kût a ni. Buh seng hnuah neih ṭan niin, thla khat a awh ṭhin a ni.

Chief Minister chuan an state-a hnam hrang hrangten inlaichinna ṭha tak an lo neih ṭhinte chu an hriat reng a, kum tam tak inzahtawn taka an chen ho ṭhinna chu chhawm nun zel a ṭul thu a sawi. Hnam hrang hrangte history pawh enfiah leh a, school syllabus-ah pawh telh a chak thu a sawi bawk.