Tripura : TMC-in roadshow buatsaih tum

Trinamool Congress (TMC) chuan Tripura-a BJP kaihhruai sorkar laka lungawi lohna lantirin, November 14 hian state khawpui, Agartala-ah public rally leh roadshow buatsaih an tum.

Tripura TMC in-charge Rajib Banerjee chuan state mipuite chuan BJP sorkar chu an ning tawh a, roreltu thlak an duh tawh a ni, a ti. "Hmansawnna hmuh tur a awm lo a, hetih lai hian hna thawh nei lo, unemployment erawh an pung chho zel a, dan leh thupekin awmzia a nei lo a ni," tiin November 14-a an hun hman turah mipuite chu tel turin a sawm nghal bawk.

Tripura-ah hian pawikhawihna leh pawngsualna a thleng fo a, kar khat chhung lekin pawngsual thubuai panga ziahluh a awm hman a ni. Kum tling lo, tleirawl kum 16 mi pawngsual rawnnaah BJP minister Bhagaan Das chu a inhnamhnawih ve niin eptu party-te chuan an puh bawk a, mahse Tripura BJP chuan eptu puhna hi thu dik lo niin an sawi thung. BJP hming tihchhiat tumin thu dik lo hmangin eptu party-te chuan an puh niin an sawi a ni.