Mr International 2022 thlannaah Manipur tlangval 2-na a ni

Philippines-a 14th Mr International 2022 thlanna neihah India ram aiawhtu, Manipur tlangval Lukanand Kshetrimayum chu pahnihna, first-runner up a ni.

Cubao, Quezon city-a New Frontier Theater-a grand finale neihah hian Dominican Republic ram aiawhtu, Manuel Franco chu Mr International 2022 atan thlan a ni. He intihsiakah hian ram 35 aiawh an tel.

Lukanand Kshetrimayum hi model niin, filmmaker leh YouTuber a ni bawk. Garnier Men Mega Mr Northeast winner leh Mister International India pawh a lo ni tawh bawk. Mr International 2022 thlannaah hian first runner up a nih bakah, special award Mister Derma World International a dawng bawk.